يـــارب

يارب انت بتغفرلنا كتير

واحنا بنرتكب ذنوب اكتر

عمرنا ما بنتعظ

لكن فى مننا اللى بيقرب اكتر

نفسى اكون منهم

واقرب ليك على قد ما اقدر

وادخل فى يوم جنتك

واتمتع بنعيمها الاعظم

واشوف رسولنا الكريم

واشرب من ايديه الطاهرين

ويبقى كل اللى حوليا نور

لانى حبيت دينا الجميل

وعرفت عرفت ان الدنيا فانيه

وان الاخره عمرنا الطويل

نبقى فى جنه ونعيش فى نعيم كتير

او نبقى فى نار ونعيش فى عذاب عظيم

وعرفت اننا فى الدنيا فانيين

لكن حنعيش فى الاخره طول السنين

نبقى فى جنه او نبقى فى نار

ويارب اجعلنا فى جنات النعيم

اصل الحكاية ...حتى انت يا بروتس !؟

حتى انت يا بروتوس ؟

جمله كتير بنقولها

لما نلاقى تصرف غير متوقع

من شخص غير متوقع

وما نعرفش اصل الحكاية ايه

اصل الحكايه

كان فى قائد رومانى هو يوليوس قيصر

وكان فى نفس الوقت مشروع ديكتاتور

كان بيحاول السيطره على الحكم

واستبدال النظام الجمهورى فى روما فى الوقت ده

بالنظام الديكتاتوري

لكن مجلس السناتو (مجلس الشيوخ ) كان هو المتحكم الرئيسى فى تعيين حكام روما وقوادها

ورغم ضعفه فى الوقت ده

الا انه استطاع تدبير مؤامرة للقضاء على يوليوس قيصر وفكرة الديكتاتوريه

وكان بروتوس وهو صديق شخصى ليوليوس قيصر

احد المتآمرين عليه

وفعلا تم عمل اجتماع لاعضاء مجلس السناتو

وقاموا بدعوة يوليوس قيصر

وفى الاجتماع اغتالوه بطعنات متتاليه

ولكن كانت اهم طعنه من صديقه بروتوس

نظر يوليوس قيصر لبروتوس

((حتى انت يا بروتوس .... اذاً فليمت قيصر ))

وهى دى اصل الحكاية