.

.

.

مغلــــــــــــــــــــــــــــــــــق

.
.
.

تاج وتاج وتاج

اول مره يجيلى تاج ومش اعتقد ان حيجى غيره :p

وبعد اصرار والحاح من الجماهير

قررت الاجابه

نبدأ بسم الله

=-=-=-=-=-=-=-=
قوانين الواجب

1- اذكر اسم من طلب منك حل الواجب ؟

سيمبا صاحب مدونة سيمبا اخويا الصغنن :p

-=-=-=-=-=
2-اذكر القوانين المتعلقه بهذا الواجب ؟

اى دونت نو هههههههه

6 اسرار قد لا يكتشفها من يقابلك لاول مره ؟

1- بتقمص بسرعه جدا ههههههههه بس برضه بتصالح بسهوله ومن غير ماحد يصالحنىساعات هههههه

2- ارتباطى الزايد بالناس رعم انى فى اوقات كتير بحاول اظهر العكس

:D

3- بركز اووى مع الناس خصوصا اللى بقابلهم لاول مره لحد ما اكتشف شخصيتهم

4- فضوليه فضوليه فضوليه هههههههههههههههههههههههههه بس بحاول اقلل والله :D

5- عصبيه جدااااااااااااا بس دايما عصبيتى بتضرنى اكتر ما بتضر اللى حواليا وبتكون داخليه مش خارجيه

6- بحب الناس تعاملنى على انى طفله فى وقت الهزار واللعب لكن وقت الجد انا احسن من مليون راجل تبعا تبعا هههههههههههههههههههههههههههه :p

-=-=-=-=-=-=-=
4- حول هذا الواجب الى سته مدونبن واذكر روابط مدوناتهم ؟

* سيمبا صاحب مدونة سيمباوى مش عجبانى الاسرار اللى كتبها :P

رحيق صاحبة مدونة اواخر الشتا

* ليالي : صاحبة مدونه إليك يا عمري
* وردة مصر : صاحبة مدونة نغــــــم

=-=-=-=-=-=-=-=
5- ترك تعليق فى مدونات من ارسلت اليهم الواجب ليعلموا به ؟

كله حيوصل ان شاء الله :D

الحب الغير مشروط

بحبك علشانك وبس

بحبك من غير مصلحة ولا هدف

بحبك وبخاف عليك

مش عايزه منك حاجه

ولا مستنية منك شئ

بحبك من غير لاشرط ولا قيد

بحبك وبس

بحبك فى الله

حكمة كنت فاكرة انها انقرضت رغم انى كنت مؤمنة بيها جدا

لكن كان نادرا لما كنت بلاقيها فى حد من البشر

وشفت الحكمة دى قدام عينى ناس بتحب بعض من غير هدف ولا مصلحه

رغم اختلاف الثقافات واختلاف الطبقات

الا انهم اجتمعوا على الحب الغير مشروط

شفت ده فى دار نقاهة الحرية فى وادى النطرون لعلاج واعادة تأهيل مرضى الادمان

بدأنا برنامجنا هناك بجلسة

N A

وفي بداية الجلسه بيسأل المشرف على الجروب

مين مبطل بقاله فتره معينه مثلا شهر

واللى مبطل بقاله مدة معينه زمايلة يحتفلوا معاه احتفال مش عادى ويغنوا ليه

ويفرحوا ليه من قلبهم بجد

شفت الفرحه دى فى عنيهم وفى تصرفاتهم

وكان من وسط الناس

واحد مبطل بقاله 9 شهور

وتانى مبطل بقاله سنه ونص ما شاء الله

وفى اللى كان اول مره يحضر

وبعد كده ابتدى كل واحد يعبر عن مشاعره

خاصه لو مشاعر سلبيه لازم يخرجها من جواه عشان ما ينفذهاش على ارض الواقع

مشاعر احنا شخصيا ما نقدرش نتكلم عنها

لان الناس دى قدرت انها تتصالح مع نفسها

قدرت تشوف نفسها بجد من جوه اووى

قدرت تتغلب على مشاكل ضخمه اووى فى حياتها

استمتعت جدا بسماع كلامهم ومشاعرهم الصادقه جدا

رغم ان فى اوقات كنت بزعل وبتضايق

بس من اهم شروط حضورنا اننا نحافظ على مشاعرنا سواء فرح حزن شفقه

عشان ممكن نظره واحده من عنينا تأثر تأثير سلبى على المريض وتخليه يتنكس

وخصوصا ان احنا لسه غير مدربين بشكل كامل على التعامل معاهم واستيعابهم

وصلنا كلنا لحالة من الانبهار والاستغراب فى نفس الوقت من الناس دى

ومدى صراحتهم وشجاعتهم

وقوتهم على التعبير عن نفسهم

ورغم ان فى بعض الناس كانت متضايقه من وجودنا لانهم كانوا حاسين

انهم مش عارفين يعبروا عن نفسهم كويس فى وجود اغراب

بس احنا ما اتضايقناش وقدرنا مشاعرهم جدا

وانتهت جلسة

N A

وبعدها بدأنا نتفرج على المكان وكان وقت غروب الشمس

وكان المنظر يجنن سبحان الله

والمكان تحفه سواء الملعب سواء الجناين

بجد ما شاء الله المكان حلو جدا

وبعدها كان فى حفلة تخرج لعشره من المرضى

كانت حفله فوق الروعه

قد ايه حمستنا اننا نشتغل اكتر

وندى اكتر

قد ايه غيرت فينا كتير

ودى ححكيلكوا عنها ان شاء الله المره الجايه :D

دق الهاتف

دق هاتفى

.

ذهبت اليه مسرعة

.

لعلنى اسمع صوتك

.

ولكن

.

كانت صديقتى

.

تحدثنا وانتهت المكالمة

.

وانتظرت ان يدق الهاتف

.

ولكن لم يدق حتى غفوت

.

ورأيتك فى احلامى

.

فأنتظرت ان يصبح الحلم

.

حــــــــــقيقة

دمعة متحجـــرة

انة وقت الغروب

تتحد الشمس مع البحر ليصبحوا كياناً واحد كما كنا

كنت تعلم ان الغروب يستهوينى معك ومعه نبدأ يومنا

.

ولكن الان اصبح يخيفنى

يخيفنى من وحده اخشاها دونك

.

ترقرقت دمعه من عينى عندما تذكرتك

وكنت اعتقد ان الدمع قد فارقنى كما فارقتك

.

اتذكر ذلك اليوم وكأنة بالامس وكان وقت الغروب ايضاً

كانت تتشابك ايدينا وقلبينا معاً

فالحب بيننا كان دائما فى مراحله الاولى يزداد يوماً بعد يوم

بل دقيقه بعد دقيقه

رغم مرور ثلاثة اشهر على زواجنا

.

كنت احمل لك خبر سار علمت انه سيسعدك فقد كنت تنتظره

قلت لك : انا حامل

لم تنطق ببنت شفة ولكن ارتسمت على ملامحك الفرحة والسعاده

وقرأت فى عينيك ما لم اسمعه من شفتيك

طبعت على جبينى قبلة لازلت اشعر بها حتى الان

وقلت لى : بحبك

كانت كافيه بالنسبه لي كنت تعلم انها ترضينى وتشبع غرورى وحبى لك

.

وقررنا الانطلاق نحو المكان الذى تقابلنا فيه لاول مره

نستعيد ذكرى هذا اليوم وليكون جنيننا شاهد علينا وعلى قصة حب ستدوم الى الأبد

انطلقت بسيارتك مسرعا شعرت بفرحتك وانت تقود

.

قلت لى :ياسمين حنسميه ايه

( ياسمين :يحيى انت عارف يا يوسف انا بحب الاسم ده قد ايه وعشان تكمل امبراطورية (ي

يوسف :طب لو بنوته

ياسمين :يمنى طبعا

يوسف : اه هو انا اقدر اقول حاجه يمنى صديقة عمرك

ياسمين : يوسف انا بحبك اووووى

نظرت لى بنظره حانيه لم انساها حتى الأن

ياسمين : يووووووووووووووووووووووووووووووووسف حاسب حاسب

.

واصطدمنا بسياره ضخمه

.

وصمت كل شئ ولم اسمع سوى صوتك بألم ينادينى ياسمين ..... ياسمين

وصمت صوتك ايضاً

.

تيقنت انك فارقتنى ولكن جسدى لم يساعدنى لاراك واحاول انقاذك

فقد صمت جسدى ايضا عن الحراك

ًواتى الظلام مسرعا

ولم تقوى عيناى

فغبت عن الوعى

.

قضى الامر ومات كل شئ

فقدت جنينى وفقدت قدماى

ولكن فقدانك كان الاشد آلماً

.

ولم يبقى لى سوى دمعه متحجره وكرسى المتحرك

.

سلسبيل 7/6/2008

اخر يوم

لاول مره احس انى كبرت مره واحده مش على مراحل

يمكن من دقايق كنت لسه بعتبر نفسى الطفله الصغيره

بحب اللعب

بحب اهلى ومرتبطه بيهم ارتباط غير طبيعى

بحب اصحابى

بحب دفعتى

بحب دكاترتى

برتبط بكل الناس وبحبهم بجد

اعيط لما حد يزعل منى او حد يخاصمنى

معنديش هموم اشيلها ولا مشاكل

عندى طموحات نفسى احققها

خلاص بكره اخر يوم فى الكليه

وحخرج منها واواجه الحياة

حخرج من اطار الطفله الصغيره

حبعد عن دفعتى اللى حبيتهم كلهم حتى لو اختلفت معاهم

حبعد عن القسم والكليه اللى شافوا احلى ايام عشتها

مش حتجمع انا واصحابى تانى كل يوم

بس يارب ما نتفرق ابدا

ونتجمع على طول

طول العمر

بكره اخر يوم فى الامتحانات

واخر يوم فى الكليه

واخر يوم فى الدراسه

بكره حودع كليتى وقسمى ودكاترتى

بكره حودع دفعتى

بكره اكيد حعيط كتير

حبى ليك

حبى ليك عمره ماكان حبر على ورق

-

حبى ليك مكتوب على كل اوراق الشجر

-

كل ما تكبر ورقه

حبى يكبر فيها

-

كل ما تطلع وردة

حبى يزيد بيها

-

امتى حيجى اليوم واكبر

واعرف اقولك بحبك اكتر

-

ولما تقرب منى

اقرب ليك اكتر

-

سلسبيل 2002

فنى وابداعى تبعا تبعا هههههههه

نتيجه طبيعيه للامتحانات انى بطلع الكبت فى الرسم

بس المره دى مش بورقه وقلم

بماوس وشاشه :)

ا

البرد القاتل

البرد القاتل

ربنا يشفينى

مش وقته خالص

امتحانات وبرد كده كتير كتير اووى

امتحانات

امتحانات امتحانات

امتى حتخلص :(

بس برضه مش عايزاها تخلص

ده جنان ده ولا ايه ههههههه

ماينفعش يبقى فى كليه ومدرسة من غير امتحانات ويريحونا

لقاء ..بعد الفراق

لقاء.... بعد الفراق

مرت السنون

ولكن لم أنساك

تذكرتك فى كل لحظة

ولكن

لم اتخيل رؤيتك بعد الفراق

وفى يوم مشرق

كنت ذاهبه الى مكتبى

رأيتك نعم رأيتك

وتلاقت عينانا بعد الفراق

فأرتجف القلب لرؤياك

وقفت اتأملك فى صمت

وكأن روحى تعود الى جسدى

بعد طول فراق

تدافعت فى ناظرى الذكريات

تذكرت كم احببتك

وتذكرت كم قلت لى احبك

فأرتسمت على شفتاى بسمة

لم تدم طويلا

حين تذكرتك

وانت تكتب كلمة النهاية بيديك

فسال الدمع من قلبى

وصمتت عيناى عن الدمع

ترفقت بفؤداى

فأشحت بوجهى عنك

فلن اكون مجدداً اسيرة لك ولحبك

وانتهى اللقاء بعد الفراق

بفراق جديد تتجدد معه الاحزان

سلسبيل

22/5/2008

وعد ... كاذب

اعــــــــــــــــــــــــــدك

لن اتركــــــــــــــــــــــــــــــــــــــــــــــــك

قلتها يوماً

وآمنت بها كما آمنت بحبك

وفى احدى الليالى الحالكة

بحثت عنك طويلا

ولكن

لم اجدك

وعدتنى يوما بعدم هجرى

وهجرتنى

الى هنا كانت نهايتنا

لا

بل اقصد نهايتى وحدى دونك

حبك .... وهم

حبك وهم
عشت عمرا حبى لك يكبر
ومع مضى عمرى احبتتك اكتر

ولكــنـــــ
اصبح حبى لك وهمــــاً
وهماً عشتة احببتة

واستيقظت منه على طعنه
انت لم تحببنى يوماً

ياليت قلبى لم يعى معنى لحبك
فحبك قابع فى وجدانى فى قلبى
بين ضلوعى

ليت الزمن يعود
يوم ان كنت طفله
واختار طريقى وحدى دونك

آآآآآآآآآآآآآآآآآآه
لو استطيع نسيانك لفعلت

ولكن نسيانك وهم

رسمـتك

رسمتك رمشاُ فى عينى

رسمتك عين فى قلبى

رسمتك قلب فى حبى

احــبك